قصيدة - عشم الزاد

عشم الزاد أوقــووك   ( بـيتـــك )   شــــدر  صنطـاً .. عـجــاف واقـفـــات   مـــتـل   لــــون....   الجــــبـل   لــــونـك دراريب الخلاء المحروق ولون الصحراء في عيونك يـا بايت  القـوى  المطبوق  تمــد  للغاشي  مــاعـونك وزي ما اتمدا  جاك  راجع  يكون المولى  في عونك إشـن  تـشـرب  وإشــن   تـاكل   تحـاحــي  الجـوع لبينة  ناقة  كان  جـادت   تسـد  الفاقــة  لى  اسبوع حفاك يسبق جري الباصات  في ليلاً  مـلان بالروع وليلك ماهـو لـيل الناس مـتل  هدمـا ً قــديم  مرقـوع وسعنك زي حشاك ضامر على  عود العشم مرفوع شـروق  وغــروب  تمـــر  الـدنيـا  يــوم فـي يــوم وأرضك زي  سمـاكا ضنينة مـا درَّت عليها غـيوم تبحلق  في  الدجى  المبهم   تمني  قليبك  المحروم تبيت  تحلم  بدفقة  ري  تبل  ريق  الحشى المعدوم ودشـوة زول  رقـد شبعـان مـورم جـفنو  كُتر النوم ويا حليلك ... أمانيك  وين .. ؟ مـن إيــديك ولى فمـك لا  سـاس .....  الـرسـن .....   شـامخـات   ولا  لـون الجـرن ......    فـارهــات .....    طـرق ....   همــك وأمانيهم  تـنوني  تطير  و نص   اللــيل  تمص  دمك مراحـاتهم  بعيده  عـليك  ومـيسهـم  مـا  بـدور  لمـك براك  تضرع  مهاوي  الليل  تـقش  النازلة بى  كمك ولا زارك عشاء البايتات عشان  تحكي  وتقول  نمك توريهـو  الشـدير  المات ومـا ضاق  الـترى  النديان وقصة صبرك الممطوط  ومن ولـدوك  مع النسيـان وكيف في الليل بكاء الفلذات ومد الايد على الاحسان وكيف الضيق وكـت يـكتر يخـليك زي عقاب انسان أمـانيك  لقمـة  مـنسية  مفضلـة  فـي جراب  شبعان وأماسـيك  رقـدة  ملـوية  وقـنتـة  تـقطـع المصـران  لا أنـيت  شــكيـت حـالكك  ولا غـنيت  تـبل الريق تجــي  وتـمتـرق  بـدون ضجــة  وبــدون  تـصفيـق لا زفــة عــريس تـغشـاك ولا يـوم جـابا ليكا طريق اجــاويـد نـاس  تـعديـكا  وتمـد ايديها  كايسا صديق ومـاك زولا بـكوسـوكـا  ولاك زولا  بـتبقــى رفــيق صكــوك غـفـــران  وبـيع إيـمــان  شـغــل  تـلـفيـق وليـك ربـك دبـايوا يهـا محـل مـا كنت لايك الضيق دبـايــوا ... يـهـــا ...  ومـد  إيـديـك  تـعــال   قـالد دبـايـوا ... يهــا ...  ســلام   يغشـاك   محل   قاعد ســـلام يغشـــاكا كان واقف وكان عز الضهر راقد وكان  شقيان  ورا  قطــرة  تـبلل  جـوفك  الهامــد وكان حـفيان ورا اللقمـة تصارع  العيشـة  وتكابـد تعيش الناس وعيشة انت  عيشة السو تجف  الناس  وعرقك إنت  يقطر شو تشوف الناس وعينيك  ما بعرفن ضو وكلو اتساوى في نظـرك عماك  النـو عبدالعظيم الطاهر

عاشق السودانيين --- ويحفظ دوبيتهم

قصيدة - وعشمانين يا زينوبة

قصيدة - شيخ ود حسن وأم الحسن

شعر - قصيدة زينوبة